साउन २०, २०७६
मालपोत कार्यालय टीकापुर कैलालीका नायव सुब्बा सिंहबहादुर कुँवर र खरिदार नरराज पाण्डे घुससहित पक्राउ परेका छन् ।
लम्की चुहा नगरपालिका र जानकी गाँउपालिकास्थित जमिनको हराएको लालपूर्जाको सम्पूर्ण कागजात तयार गरी प्रतिलीपि बनाउनका लागि जग्गा नाप जाँच गरिदिए बापत सेवाग्राहीसँग घुसबापत लिएको ८ हजार रूपैयाँ नगदसहित अख्तियारको टोलीले आइतवार रंगेहात पक्राउ गरेको अख्तियारका प्रवक्ता प्रदीपकुमार कोइरालाद्वारा जारी विज्ञप्तिमा जनाइएको छ ।
सेवाग्राहीसँग घुस मागिरहेको भन्ने सूचनाका आधारमा अख्तियारको कञ्चनपुर कार्यालयबाट खटिएको टोलीले उनीहरूलाई रंगेहात नियन्त्रणमा लिएको हो ।
उनीहरूमाथि अनुसन्धान भइरहेको अख्तियारले जनाएको छ ।
Add Comment