सुनकोशीन्यूज
२०७७ मंसिर ७ गते, आइतबार
काठमाडौं । चालु आर्थिक वर्षको प्रथम चौमासमा वाणिज्य विभागले काठमाडौं उपत्यकामा एक हजार ७१ वटा फर्महरुमा अनुगमन गरेको छ ।
मुख्य चाडपर्वको मौसममा गरिएको अनुगमन क्रममा गैर व्यवसायिक क्रियाकलाप गर्ने तीन सय १५ फर्मलाई जरिवाना गरिएको र २८ फर्मको कारोबार रोक्का गरिएको वाणिज्य, आपूर्ति तथा उपभोक्ता संरक्षण विभागले जनाएको छ ।
जरिवानामा परेका र्फमहरुबाट एक करोड १८ लाख ७४ हजार रुपैयाँ राजश्व संकलन भएको विभागले जनाएको छ । यस अवधिमा पाँच वटा फर्महरुलाई मुद्दा चलाइएको छ भने ६० लाख ५६ हजार रुपैयाँ बराबरको अयोग्य वस्तु नष्ट गरिएको विभागले जनाएको छ ।
विभागले इलेक्ट्रोनिक्स सामान, कपडा पसल, खाद्य तथा किराना, डिपार्टमेन्टल स्टोर, खसीबोका बिक्री, तरकारी, मासु, मदिरा, मिठाई, हार्डवेयर लगायतका पसलमा अनुगमन गरिएको विभागले जनाएको छ ।
Add Comment