हेडलाईन न्युज

प्रदेश ३ को राजधानी हेटौंडा हुने निश्चित, पक्षमा १०५ र बिपक्षमा जम्मा ३ मत, प्रदेशको नाम बागमति

सुनकोशी न्युज, २०७६ पौष २७ गते
हेटौंडा । प्रदेश नम्बर ३ को राजधानी मकवानपुरको हेटौंडा राख्ने प्रस्ताव प्रदेशसभा बैठकबाट पारित भएको छ। आइतबार बसेको प्रदेशसभा बैठकले दुई तिहाइ मतका साथ हेटौंडा राजधानी राख्ने प्रस्ताव पारित गरेको सभामुख सानुकुमार श्रेष्ठले घोषणा गर्नुभएको हो ।

हेटौंडा राजधानी राख्ने पक्षमा १०५ मत आएको छ भने विपक्षमा तीन मत आएको छ । प्रदेशसभामा एक सय १० सांसद भए पनि मतदानमा एक सय आठ सांसद मात्रै उपस्थित थिए। काभ्रेको धुलिखेल राजधानी राख्नुपर्ने पक्षमा तीन मत आएको हो।

विवेकशील नेपाली दल र साझा पार्टीले मात्रै धुलिखेल राजधानी राख्नुपर्ने प्रस्ताव गरेको थियो। उक्त प्रस्तावलाई प्रदेशसभा बैठकले अस्वीकृत गरिदिएको छ।
सत्तारूढ नेपाल कम्युनिष्ट पार्टी नेकपा, नेपाली कांग्रेस, राप्रपा र राप्रपा संयुक्तले संयुक्त प्रस्ताव पेश गर्दै हेटौंडा राजधानी राख्ने पक्षमा मतदान गरेका थिए। नेकपा र प्रमुख प्रतिपक्षी कांग्रेसको संसदीय दलले राजधानी हेटौंडा तथा नाम बागमती राख्ने निर्णय गरेका थिए।

प्रदेशको नाम बागमती राख्न प्रदेशसभामा प्रतिनिधित्व गरेका सबै दल सहमत भएका छन्।

प्रकाशित मिति: आइतवार, पुस २७, २०७६

ताजा अपडेट