सुनकोसी न्यूज
वैशाख १० गते बिहिबार
काठमाडौं: सेयर बजारको गिरावट बिहीबार पनि रोकिएन। NEPSE Index १७.०१ अंकले घटेर २७८७ अंकमा झरेको छ। अघिल्लो दिन २८०४ अंकमा रहेको बजार पछिल्ला चार कारोबार दिनदेखि निरन्तर घट्दो क्रममा रहेको छ।
कारोबार रकममा पनि कमी आएको छ। अघिल्लो दिन ७ अर्ब ८१ करोड रुपैयाँ बराबरको कारोबार भएकोमा आज ५ अर्ब ९ करोड रुपैयाँमा सीमित भएको छ।
आज बजारमा ४६ कम्पनीको शेयर मूल्य बढ्दा २१६ कम्पनीको घटेको छ भने ७ कम्पनीको मूल्य स्थिर रहेको छ।
सेक्टरगत अवस्था (नेपालीमा)
- उत्पादन तथा प्रशोधन समूह: ०.६०% वृद्धि
- व्यापार समूह: ०.४३% वृद्धि
- होटल तथा पर्यटन समूह: १.४२% गिरावट
- बैंकिङ समूह: ०.७७% गिरावट
- विकास बैंक समूह: ०.०८% गिरावट
- वित्त (फाइनान्स) समूह: १.०६% गिरावट
- जलविद्युत् समूह: १.०५% गिरावट
- लगानी समूह: ०.५३% गिरावट
- जीवन बीमा समूह: ०.४३% गिरावट
- लघुवित्त समूह: ०.५३% गिरावट
- निर्जीवन बीमा समूह: १.१९% गिरावट
- अन्य समूह: ०.८५% गिरावट
आज दुई कम्पनीको शेयर मूल्य १५ प्रतिशतले बढेको छ। पाल्पा सिमेन्ट इन्डस्ट्रिज र शिखर पावरमा उच्च वृद्धि देखिएको हो। कर्पोरेट डेभलपमेन्ट बैंक ९.२४ प्रतिशत र नारायणी डेभलपमेन्ट बैंक ५ प्रतिशतले बढेका छन्।
गिरावटतर्फ SuryaKund Hydro Electric को शेयर मूल्य सबैभन्दा धेरै ११.७९ प्रतिशतले घटेको छ। सुपर खुदी हाइड्रोपावर ७.१७, गणपति लघुवित्त ६.३८ र रिलायन्स इनर्जी ५.३३ प्रतिशतले घटेका छन्।
आज धेरै कारोबार भएका कम्पनीमा रिलायन्स स्पिनिङ मिल्स, सोलु हाइड्रोपावर, आँखुखोला जलविद्युत् कम्पनी, होटल फरेस्ट इन र नेसनल हाइड्रोपावर रहेका छन्।
Add Comment