सुनकोशी न्युज
२०७७ असोज ३ गते शनिबार
काठमाडौं – नेपाली कांग्रेसका महामन्त्री डा. शशांक कोइराला शनिबार अस्पतालबाट डिस्चार्ज भएका छन् ।
महामन्त्री कोइरालालाई कोरोना संक्रमण देखिएपछि केही दिनअघि ओम अस्पताल भर्ना भएका थिए ।
स्वास्थ्यमा क्रमिक सुधार आएपछि डिस्चार्ज भएको अस्पतालले जनाएको छ । महामन्त्री कोइरालाले पोस्ट गर्दै स्वास्थ्य स्थितिमा सुधार भएको बताएका छन् ।
उनले ट्वीटमा भनेका छन्, ‘मेरो स्वास्थ अवस्थाबारे नियमित चासो चिन्ता र शुभेच्छा तथा स्वास्थलाभको कामना गर्नुहुने सम्पूर्ण दिदीबहिनी तथा दाजुभाईहरु, नेता तथा कार्यकर्ताहरु,पत्रकार मित्रहरु, तथा उपचारमा संलग्न डा.विश्वनाथ कोइरालाको चिकित्सक टिमलाई हृदयदेखी नै धन्यवाद व्यक्त गर्दछु ।
मेरो स्वास्थ स्थितिमा क्रमिक सुधार आएसंगै आजै ॐ अस्पतालबाट डिस्चार्ज भएको छु । चिकित्सकको सल्लाह बमोजिम अब केहि दिन होम आइसोलेशनमै रहने छु ।
Add Comment