सुनकाेसी न्यूज
चैत ६ गते शुक्रबार
काठमाडौं –साउदी अरबका अधिकारीहरूले अप्रिलको अन्त्यसम्म होर्मुज स्ट्रेट अवरुद्ध रहँदा तेलको मूल्य प्रति ब्यारेल १८० डलरसम्म पुग्न सक्ने चेतावनी दिएका छन्।
इरान र इजरायलको आक्रमणका कारण खाडीका ऊर्जा केन्द्रहरू प्रभावित भइरहेकाले साउदी अरबको यान्बु बन्दरगाह निशानामा पर्न सक्ने सम्भावना छ। कतारको रास लाफान एलएनजी निर्यात केन्द्र पनि लामो समय बन्द हुन सक्छ र सन् २०२६ सम्म सञ्चालनमा नआउन सक्छ।
फेब्रुअरी २८ मा सुरु भएको युद्धपछि तेलको मूल्यमा तीव्र उतारचढाव देखिएको छ। बिहीबार ब्रेन्ट क्रुडको मूल्य केही समयका लागि प्रति ब्यारेल ११९ डलर नजिक पुगेको थियो।
विशेषज्ञको दृष्टिकोण
रियादस्थित किङ फैसल सेन्टर का विदेश नीतिका विशेषज्ञ उमेर करिमले भने, युद्ध यसरी नै जारी रह्यो भने तेलको मूल्य कम्तीमा १५० डलरसम्म पुग्ने सम्भावना छ।
“यदि लाल सागरका टर्मिनलहरूमा आक्रमण भयो भने तेलको मूल्य १५० डलरभन्दा माथि जान सक्छ। अहिले यो युरोप र एसियाबीचको मुख्य सम्पर्क मार्ग हो।”
साउदी अरबले खाडीबाट १,००० किलोमिटरभन्दा टाढा रहेको यान्बु बन्दरगाहमार्फत निरन्तर तेल निर्यात गरिरहेको छ।
रास लाफान एलएनजीमा असर
पेरिसस्थित सेन्टर अन ग्लोबल एनर्जी पोलिसी की विशेषज्ञ एनी (सोफी) कोर्बोले बताइन्, कतारको रास लाफान एलएनजी प्लान्ट इरानको आक्रमणपछि लामो समय बन्द रहन सक्छ।
“सर्वश्रेष्ठ अवस्थामा पनि, यो सन् २०२६ सम्म सञ्चालनमा नआउन सक्छ। यसले विश्वव्यापी ग्यास आपूर्ति र मूल्यमा ठूलो असर पार्नेछ।”
पूर्व अनुभवका आधारमा, एलएनजी प्लान्टमा ठूलो क्षतिको मर्मत गर्न महिनौं समय लाग्न सक्छ। सन् २०२२ मा टेक्सासको फ्रिपोर्ट एलएनजी आठ महिनासम्म बन्द थियो भने २०२० मा नर्वेको स्नोभिट प्लान्ट डेढ वर्ष बन्द रह्यो।
विशेषज्ञको निष्कर्ष अनुसार, रास लाफानमा समस्या रह्यो भने आगामी पाँच वर्षसम्म विश्व ऊर्जा बजारमा ठूलो प्रभाव पर्न सक्नेछ।
Add Comment