सुनकोशी न्युज
२०७८ जेठ ८ गते शनिबार
काठमाडौं – नेपालमा पछिल्लो २४ घण्टामा ८ हजार ९ सय ८० जनामा कोरोना भाइरस (कोभिड–१९) का संक्रमित थपिएका छन्।
स्वास्थ्य तथा जनसंख्या मन्त्रालयका अनुसार १९ हजार ३ सय ५७ पीसीआर परीक्षणबाट देशभर ८ हजार ५ सय ९१ जनामा संक्रमण पुष्टि भएको छ । त्यसैगरी ७ सय ४८ एन्टिजेन परीक्षणमा ३८९ जनामा पोजिटिभ देखिएको छ । पीसीआर र एन्टिजेन गरी संक्रमितको संख्या ८ हजार ९ सय ८० पुगेको छ ।
पछिल्लो २४ घण्टामा थप १२९ जना कोरोना संक्रमितको मृत्यु भएको छ।
योसँगै कोरोनाबाट मृत्यु हुनेको संख्या ६ हजार १ सय ५३ पुगेको छ।
यस्तै २४ घण्टामा ८ हजार ८ सय ४८ जना कोरोना संक्रमणमुक्त भएका छन् । योसँगै निको हुनेको संख्या ३ लाख ८३ हजार ६ सय ८४ पुगेको छ ।
नेपालमा सक्रिय संक्रमितको संख्या १ लाख १५ हजार ८ सय ६ पुगेको छ ।
Add Comment