सुनकोशी न्युज
२०७८ जेठ ४ गते मंगलबार
काठमाडौं – नेपालमा पछिल्लो २४ घण्टामा ८ हजार २ सय ३ जनामा कोरोना भाइरस (कोभिड–१९) का संक्रमित थपिएका छन्।
स्वास्थ्य तथा जनसंख्या मन्त्रालयका अनुसार २० हजार २ सय ८६ पीसीआर परीक्षणबाट देशभर ८ हजार १ सय ३६ जनामा संक्रमण पुष्टि भएको छ । त्यसैगरी ६ सय ९३ एन्टिजेन परीक्षणमा ६७ जनामा पोजिटिभ देखिएको छ । पीसीआर र एन्टिजेन गरी संक्रमितको संख्या ८ हजार २ सय ३ पुगेको छ ।
पछिल्लो २४ घण्टामा थप १९६ जना कोरोना संक्रमितको मृत्यु भएको छ।
योसँगै कोरोनाबाट मृत्यु हुनेको संख्या ५ हजार ४ सय ११ पुगेको छ।
यस्तै २४ घण्टामा ६ हजार ८९१ जना कोरोना संक्रमणमुक्त भएका छन् । योसँगै निको हुनेको संख्या ३ लाख ५२ हजार ४ सय १४ पुगेको छ ।
नेपालमा सक्रिय संक्रमितको संख्या १ लाख १४ हजार ५२९ पुगेको छ ।
Add Comment