सिन्धुलीमा ३८ वटा अक्सिजन सिलिन्डर नियन्त्रणमा, ६१ माेटरसाइकललाई कारबाही

सुनकाेशी न्युज, २०७८ वैशाख २६ गते आइतबार, काठमाडौं ।  सिन्धुलीमा प्रहरीले ३८ थान अक्सिजन ग्यासको सिलिन्डर नियन्त्रणमा लिएको छ। अस्पतालभन्दा बाहेक निजी रुपमा राखिएका विभिन्न स्थानबाट उक्त सिलिन्डर नियन्त्रणमा लिइएको जिल्ला प्रहरी कार्यालय सिन्धुलीका प्रवक्ता प्रहरी नायव उपरीक्षक मनाेज कुमार लामाले बताउनुभयो । काेराेनाका कारण अस्पतालमा अक्सिजन सिलिन्डरको कमी हुनथालेपछि सरकारले निजी रुपमा अक्सिजन सिलिन्डर राख्न नपाउने नियम बनाएको छ। तर हाेम अाईसाेलेशनमा बस्नुपर्ने भएमा अक्सिजन नपाईएला भनेर मानिसहरूले घरमा सिलिन्डर स्टाेर गर्न थालेपछि अस्पतालमा सिलिन्डरको अभाव भएको थियोे । त्यसैगरी निशेधााज्ञा उलंघन गरि सवारी चलाउने र हाेटल संचालन गर्नेलाई पनि प्रहरीले नियन्त्रणमा लिएको छ। कमलामाई ५ मा हाेटल खुल्ला राखेका सुवास तामाङलाई नियन्त्रणमा लिएको हाे। उनलाई जिप्रकामा राखिएको छ। त्यसैगरी निशेधाज्ञा उलंघन गर्ने ६१ वटा माेटरसाइकल र ५ वटा अटाेलाई नियन्त्रणमा लिएको छ। उनीहरूलाई आवश्यक प्रक्रिया पूरा गरि साँझ ५ बजे छाडिएको प्रवक्ता लामाले बताए ।