मुक्तक 
आँखामा राखेको मान्छे नजरबाट खसेपछि के लाग्छ
मुटुको आँगन छोडी जस्केलोतिर पसेपछि के लाग्छ
विश्वास भएरै हुन्छ हृदयको संवाद मनमिल्ने बनिन्छ
घोलेर विषादी सधैँ सर्पले जस्तै डसेपछि के लाग्छ।
मुक्तक तिम्रो साथमा मात्रै बाँच्नुको मीठो लय हुन्छ
तिमी समीप हुँदा मेरो जीवन प्रेममय हुन्छ
मन निर्धक्क भइ आपार आनन्दमा डुब्छ
नत्र जिउँदै बस्न सकस हुन्छ धेरै भय हुन्छ।
मुक्तकहरेक पल साथै होस् भन्ने चाहनाले रुवाउँछ
उसले गर्ने कति कति झुटो बाहनाले रुवाउँछ
अचेल मन यति छिटो रुन्छ बुझाउन गाह्रो हुन्छ
बिर्सदा कस्तो होला कुन्नि मलाई सम्झनाले रुवाउँछ ।
मुक्तककसरी हुन्छ न्यानो घाम परदेशी भयो
उजाड छन् खेती काम परदेशी भयो
अधीन हुन्छ अरूकै छैन आफ्नो भन्ने
रावण बन्यो देउता राम परदेशी भयो ।
Add Comment