MCC सदनमा पेस नगर्ने माओवादी संसदीय दलको निर्णय

सुनकोसी न्युज
२०७८ फाल्गुन ४ गते बुधबार
काठमाडौं । प्रमुख प्रतिपक्षी दल नेकपा एमालेले सदनको अबरोध नखाेलेसम्म सदनमा mcc टेबल गर्न नहुने माओवादी संसदीय दलको बैठकले निर्णय गरेको छ। आपत्तिजनक र विवादास्पद बुदा हटाएर मात्रै सदनमा लानुपर्ने माओवादी केन्द्रको अडान कायम राखेको छ।
बुधबार सदनमा टेबल गर्ने सम्भावना रहेको mcc एमालेको निरन्तरको अबरोधका कारण पनि टेबल हुन नसक्ने र त्यसका लागि एमालेले पहिला सदनको अबरोध अन्त्य भएको घाेषणा गर्नुपर्ने उसको निश्कर्ष छ।
यसैबीच माओवादी अध्यक्ष प्रचण्ड र प्रधानमन्त्री देउवाबीच आज संसदमा mcc टेबल नगर्ने सहमति भएको छ।
बिहीबार गठबन्धनको बैठक बसेर यसबारे निर्णय लिने सहमति भएको प्रधानमन्त्री देउवा सचिवालयले जानकारी दियो ।
माओवादीले कमसेकम गठबन्धनका दलहरूबीच साझा सहमति हुनुपर्ने अडान राखेको छ। mcc मा साझा राष्ट्रिय सहमति समेत बन्नुपर्ने माओवादी संसदीय दलकाे निश्कर्ष रहेको छ।