🛑 पेट्रोल संकटको असर : अब हप्तामा दुई दिन सार्वजनिक बिदा दिने सरकाको निर्णय

सुनकोसी न्यूज

चैत २२ गते आइतबार

काठमाडौं । पेट्रोलियम आपूर्तिमा देखिएको असहज अवस्थाका कारण सरकारले महत्वपूर्ण निर्णय गर्दै अबदेखि सरकारी कार्यालय र शैक्षिक संस्थामा शनिबार र आइतबार सार्वजनिक बिदा दिने घोषणा गरेको छ।सरकारका प्रवक्ता सस्मित पोखरेलका अनुसार भोलिदेखि लागू हुनेगरी यो निर्णय गरिएको हो। ऊर्जा संकटका कारण यातायात र दैनिक प्रशासनिक कामकाजमा देखिएको दबाब कम गर्न यस्तो कदम चालिएको उनले बताए।नयाँ व्यवस्थाअनुसार अब

देशभरका सरकारी कार्यालय, विद्यालय तथा कलेजहरू हप्तामा दुई दिन बन्द रहनेछन्। यसले इन्धन खपत घटाउने, यातायात व्यवस्थापन सहज बनाउने र अत्यावश्यक सेवामा दबाब कम गर्ने अपेक्षा गरिएको छ।सरकारले नागरिकलाई आवश्यक कामहरू योजनाबद्ध रूपमा मिलाउन आग्रह गर्दै अत्यावश्यक सेवाहरू भने यथावत सञ्चालनमा रहने स्पष्ट पारेको छ।