सुनकोशी न्युज,
२०७६ माघ २३
कठमाण्डौं ।आईसीसी विश्वकप क्रिकेट लिग दुईअन्तर्गत आज अमेरिका र ओमानबीच खेल भइरहेको छ । कीर्तिपुरस्थित त्रिवि क्रिकेट मैदानमा टस हारेर अमेरिकाले ब्याटिङ गरिरहेको छ ।
ताजा अवस्थामा अमेरिकाले १५ ओभरमा ३ विकेटको क्षतिमा ५२ रन बनाएको छ। त्रिकोणात्मक सिरिजको दोस्रो खेल हो। पहिलो खेलमा बुधबार नेपाल घरेलु मैदानमा ओमानसँग १८ रनले पराजित भएको थियो।
सअघि अमेरिकाले आठ खेलमा छ मा जित निकाल्दै १२ अङ्क जोडिसकेको छ। अमेरिका अङ्क तालिकाको शीर्ष स्थानमा छ। ओमान सात खेलमा पाँचमा जीतसहित १० अङ्क जोडेर तालिकाको दोस्रो स्थानमा छ। दुवै टोलीको लक्ष्य यहाँ जारी सिरिजका सबै खेल जितेर शीर्ष स्थानमा उक्लिने छ।
लिग दुईमा सात देश समावेश छन्। आईसीसी विश्व कप क्रिकेट लिग दुई सन् २०२३ मा आयोजना हुने विश्वकपसम्म पुग्ने सिँढी हो। लिग दुईमा नेपाल, अमेरिका, ओमान, स्कटल्यान्ड, नामिविया, युएई र पपुवा न्युगिनी छन्।
विश्वकपको रोड म्यापको रुपमा रहेको डिभिजन दुईमा हालसम्म स्कटल्यान्ड नौ अङ्क जोड्दै दोस्रो स्थानमा, आठ अङ्क जोडेको नामिबिया तेस्रो स्थानमा, आठ अङ्क नै जोडेको ओमान चौथो स्थानमा, सात अङ्क जोडेको युएई पाँचौँ, अङ्कविहीन अवस्थमा रहेको नेपाल छैटौंतथा पपुवा न्युगिनी सातौँ स्थानमा छ।
उक्त लिग सन् २०१९ को अगस्तदेखि सुरु भएको हो। लिगमा हालसम्म अमेरिका, स्कटल्यान्ड र पपुवा न्युगिनीले आठ आठ खेल खेलिसकेका छन्। नामिबिया र युएईले सात सात खेल तथा ओमानले छ खेल खेलिसकेको छ। नेपालले पहिलो सिरिज खेल्दैछ। लिगको शीर्ष तीन टोलीले सन् २०२३ को विश्वकप क्रिकेटको छनोटमा सोझै स्थान बनाउने छन्। बाँकी चार टोलीले विश्वकप छनोटमा प्रवेश पाउनका लागि फेरि प्लेअफ खेल्नेछन्।
उक्त प्लेअफमा लिग दुईबाट आउने चार टोली तथा च्यालेन्ज लिगबाट आउने दुई टोलीले प्रतिस्पर्धा गर्नेछन्। विश्वकप छनोट सन् २०२२ मा आयोजना हुनेछ। विश्वकप छनोटमा सुपर लिगका पुछारका पाँच, लिगबाट आएका तीन तथा प्लेअफबाट आउने दुई टोली गरी १० टोलीले प्रतिस्पर्धा गर्नेछन्। विश्वकप छनोटको विजेता र उपविजेता टोलीले सन् २०२३ मा भारतमा आयोजना हुने विश्वकप क्रिकेटमा भाग लिन पाउने छन्।
Add Comment